Janubiy Koreya terma jamoasi Toshkentdagi o‘yinga qadar JCh—2018 yo‘llanmasini naqd qilishga harakat qiladi

Futbol bo‘yicha Janubiy Koreya milliy terma jamoasi bosh murabbiyi Uli Shtilike Seulga qaytib keldi, deb yozdi “Uff.uz”. U so‘nggi ikki oyini Yevropada — ta’tilda o‘tkazgandi.

Mutaxassisni aeroportning o‘zidayoq mahalliy jurnalistlar qurshab olgani aytilgan. Natijada Shtilike Inchxon aeroportining o‘zidayoq intervyu berishga majbur bo‘lgan.

Biz hamisha g‘alaba uchun maydonga tushamiz. O‘zbekiston bilan bo‘ladigan so‘nggi o‘yingacha JCh—2018 masalasini hal qilamiz. Umuman, biz oldimizdagi barcha beshta o‘yinda g‘olib chiqmoqchimiz, jumladan, so‘ngisida ham. Oldimizda qat’iy grafik bor, unga amal qilishimiz shart.

Men qo‘l ostimdagi futbolchilarga ishonaman va ularga umid ko‘zi bilan qarayman.

Uli Shtilike, Janubiy Koreya bosh murabbiyi

Lippi kelgach, Xitoy yana ham tezkor o‘yin namoyish etadigan bo‘ldi. Ular bizga bosim o‘tkazishi aniq. O‘yin qiyin bo‘ladi.

Men muarbbiylar shtabida ish boshlagan Cha Du Ri va Syol Ki Xyonglarga ishonaman. Janubiy Koreya termasi kerakli natijaga erishadi.

Uli Shtilike, Janubiy Koreya bosh murabbiyi