Саудия Арабистони бошчилигидаги коалиция самолётларининг Яман пойтахти Сано яқинидаги қишлоққа берган авиазарбалари оқибатида 9 нафар аёл ва бола ҳалок бўлди, ўнлаб киши жароҳат олди. Бу ҳақда маҳаллий аҳолига таяниб, Reuters маълум қилди.
Зарбалар 16 февраль куни тунда Сано шимолидаги Ашуро қишлоғига, исёнчи хусийларга иттифоқдош қавм етакчисининг уйига қаратилди. У ерда аҳоли вафот этган аёлнинг дафн маросимига тўпланганди.
Гувоҳлардан бирининг ҳикоя қилишича, одамлар самолётлар овозини эшитиб, уйдан қочиб чиқа бошлади. Бомбалар бевосита иморатга бориб тушган ва унинг томи қулаган.
Коалиция мазкур ҳудудда тинч аҳоли қурбон бўлгани ҳақидаги хабарларни текширишга киришди.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)