Ўзбекистонда ижодий сафарини ўтказаётган Заҳириддин Муҳаммад Бобур номидаги Ўш давлат академик ўзбек мусиқали драма театрининг ижодий жамоаси Фарғона вилоятида кутиб олинди. Бу ҳақда Ўзбекистон Маданият ва спорт ишлари вазирлиги ахборот хизмати хабар бермоқда.
Меҳмонларга Маданият ва спорт ишлари вазирининг маданият ишлари бўйича биринчи ўринбосари Ф. Жалолов бошчилигидаги ўзбек театр санъати вакиллари ҳамроҳлик қилмоқда.
Қирғизистонлик театр санъати вакиллари Фарғона шаҳрининг диққатга сазовор жойлари — вилоят Театр-концерт саройи, Сув спорт мажмуаси, «Истиқлол» марказий ўйингоҳи билан таништирилди.
Мазкур иншоотларнинг барчаси, хусусан, Театр-концерт саройининг ҳашаматли дизайни, меъморий безаклари, замон талабларига мос техник ускуналар билан жиҳозланганлиги меҳмонларда катта таассурот қолдирди.
Ўш давлат академик ўзбек мусиқали драма театрининг Андижон ва Наманган вилоятлари мусиқали драма театрларида намойиш этилган «Айкол Манас» спектакли Фарғона вилоят театр-концерт саройида томошабинларга тақдим этилади.
«Дарё»нинг Telegram’даги расмий канали — @toshqindaryo’га аъзо бўлинг!
Изоҳ (0)