Сурия ҳукумати томонидан эълон қилинган амнистия доирасида Дамашқ яқинидаги бир неча йил давомида жанглар олиб борилган Шарқий Гута туманида жангарилар учун таслим бўлиш пунктлари очилади. Бу ҳақда Россиянинг қарама-қарши томонларни яраштириш маркази зобити Александр Блинков маълум қилди, дея хабар беради «ТАСС».
Ҳозирда жангариларни гуманитар йўлак орқали чиқиши масаласида музокаралар олиб бормоқдамиз. Жангарилар ўзларининг ҳуқуқий мақомига аниқлик киритиш истагида эканлиги ҳақида маълумотлар бор. Қолаверса, Сурия президенти Башар Асад амнистияни шу йил 30 июнгача узайтириш ҳақида фармон қабул қилди.Пунктларда жангарилар қуролларини топшириши ва аҳоли манзилларини ҳимоя қилиш отрядларига ёзилиши мумкин. Уларда маҳаллий аҳоли зарур ёрдам олиши мумкин бўлган тиббиёт пунктлари ҳам жойлашган.Александр Блинков, Россиянинг қарама-қарши томонларни яраштириш маркази зобити
Махсус тарғибот отрядлари шакллантирилган бўлиб, улар варақалар ва овоз кучайтиргичлар ёрдамида амнистия ҳақида маълумот тарқатиш билан шуғулланади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)