Ўзбекистонда 10 февралдан бери ижодий сафарда бўлиб турган Бобур номидаги Ўш давлат академик ўзбек мусиқали драма театрининг ижодий жамоаси Наманган вилояти Норин туманида меҳмон бўлди. Бу ҳақда Ўзбекистон Маданият ва спорт ишлари вазирлиги ахборот хизмати хабар бермоқда.
Қирғизистонлик театр санъати вакиллари дастлаб Наманган шаҳрида фаолият олиб бораётган «Истиқлол» дизайн марказининг асосий биносига ташриф буюрди ва бу ердаги ишлаб чиқариш жараёнлари билан яқиндан таништирилди.
Шундан сўнг меҳмонлар «Навбаҳор» марказий ўйингоҳида бўлиб, бу ерда спортчиларга яратилган шарт-шароитлар ва имкониятлар ҳақида маълумот олди.
Эслатиб ўтамиз, «Айкол Манас» спектакли жорий йилнинг 13—14 февраль кунлари Наманган вилояти мусиқали драма театрида ҳамда 15—17 февраль кунлари Фарғона вилояти театр-концерт саройида намойиш этилади.
Гастрол сафари давомида театрларда қирғиз ҳамда ўзбек санъати намояндалари иштирокидаги ижодий учрашув ва давра суҳбатларини ташкил этилмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)