Qatar Airways авиакомпаниясининг дунёдаги энг узун тўғридан-тўғри парвозни амалга ошираётган самолёти 16 соатдан кўпроқ вақт ўтиб, Янги Зеландияда қўнди. Бу ҳақда «РИА Новости» хабар бермоқда.
«Биз Оклендда расман қўндик», — дея маълум қилинди компаниянинг Twitter’даги саҳифасида.
Guardian нашрига кўра, ҳаво кемаси Доҳа аэропортидан маҳаллий вақт билан 5 февраль, якшанба, соат 05:10 да парвоз қилиб, 6 февраль, душанба куни 07:30 да Окленд шаҳрида қўниши, учиш вақти 16 соат 20 дақиқадан иборат бўлиши мўлжалланганди. Самолёт режалаштирилганидан бир неча дақиқа эртароқ қўнди.
Маълумотларга кўра, Qatar Airways’нинг мазкур рекорди 2018 йилда Сингапур—Нью-Йорк йўналишида янги рейсни бошлашни кўзда тутаётган Singapore Airlines томонидан янгиланиши мумкин.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)