Корея Республикаси президенти вазифасини бажарувчи, бош вазир Хван Гё Ан терговчиларнинг давлат раҳбари қароргоҳи — Мовий уй ҳудудида тинтув ўтказишда уларга кўмак кўрсатиш илтимосини рад этди, деб ёзади «ТАСС» давлат раҳбари маъмурияти вакилига таяниб.
Ушбу тергов ҳаракатлари мамлакатнинг вақтинчалик ҳокимиятдан четлатилган президенти Пак Кин Хе атрофидаги коррупция ҳақидаги иш бўйича навбатдаги режаларни ишлаб чиқиш учун зарур. Ўтган ҳафта терговчилар суднинг тегишли ордери билан Мовий уй ҳудудига киришга уринди, бироқ у ерга соқчилар томонидан киритилмади. Ўшанда объектнинг алоҳида мақомга эга эканлигини сабаб қилиб кўрсатишган эди.
«Бизнинг позициямиз шундан иборатки, Мовий уйга кириш ҳуқуқи ҳақидаги қарорни президент вазифасини бажарувчи эмас, балки маъмурият раҳбари ва хавфсизлик хизмати бошлиғи қабул қилади», — деди давлат раҳбари маъмурияти вакили.
Изоҳ (0)