Brent туридаги нефть қиймати бир баррели учун 57 долларга етди

Нефть нархи АҚШ томонидан Эронга қарши санкциялар кенгайтирилгани туфайли кўтарилиб бормоқда. Бу ҳақда «Интерфакс» хабар берди. 

Лондоннинг ICE Futures биржасида 6 февраль, душанба кунги савдоларда апрелда етказиб бериладиган Brent туридаги нефть қиймати 0,17 долларга ошиб (0,30 фоиз), бир баррели учун 56,98 долларни ташкил этди. 

Нью-Йорк товар биржасида (NYMEX) мартда етказиладиган WTI нефти баҳоси 0,17 долларга кўтарилиб (0,32 фоиз), бир баррели учун 54 долларга етди.

Хом ашё бозоридаги нархлар янада ошишига АҚШда қазиб олиш кўпайиши кутилаётгани тўсқинлик қилмоқда. Baker Hughes маълумотларига кўра, ўтган ҳафтада Қўшма Штатларда нефть бурғулаш қурилмалари сони 17 тага кўпайиб, жами 583 тага етди.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.