Neft narxi AQSh tomonidan Eronga qarshi sanksiyalar kengaytirilgani tufayli ko‘tarilib bormoqda. Bu haqda “Interfaks” xabar berdi.
Londonning ICE Futures birjasida 6-fevral, dushanba kungi savdolarda aprelda yetkazib beriladigan Brent turidagi neft qiymati 0,17 dollarga oshib (0,30 foiz), bir barreli uchun 56,98 dollarni tashkil etdi.
Nyu-York tovar birjasida (NYMEX) martda yetkaziladigan WTI nefti bahosi 0,17 dollarga ko‘tarilib (0,32 foiz), bir barreli uchun 54 dollarga yetdi.
Xomashyo bozoridagi narxlar yanada oshishiga AQShda qazib olish ko‘payishi kutilayotgani to‘sqinlik qilmoqda. Baker Hughes ma’lumotlariga ko‘ra, o‘tgan haftada Qo‘shma Shtatlarda neft burg‘ulash qurilmalari soni 17 taga ko‘payib, jami 583 taga yetdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)