Фудуко лақабли тўдабоши эркак шимпанзе ўз тўдадошлари томонидан турли воситалар (қўл, тош, таёқ) билан уриб ўлдирилиб, бир қисми еб қўйилди. Бу олимлар кузатаётган маймунлар ўртасидаги биринчи қонли жиноят ҳам, шимпанзелар томонидан амалга оширилган тўда ичидаги биринчи қотиллик ҳам эмас. Бироқ бу сафаргиси жуда ғаройиб бўлиб, International Journal of Primatology’да нашр қилинган мақолада приматологлар деярли детектив воқеани ҳикоя қилиб берди, деб ёзади TJournal.
Айова Университетидаги Жил Прюц ва унинг ҳамкасблари Сенегалниниг жануби-шарқида яшовчи шимпанзелар тўдасини Fongoli Savanna Chimpanzee лойиҳаси доирасида 2001 йилдан бери кузатиб келади. Бу тўда бошқа гуруҳлардан эркак шимпанзеларнинг жамоа ичида кўп эканлиги билан фарқаланади. Одатда, шимпанзе тўдасида урғочи маймунлар кўпроқ бўлади. Олимлар бўлиб ўтган воқеада маҳаллий браконьерларни айбдор деб ҳисобламоқда. Маҳаллий браконьерлар урғочи шимпанзеларни уларнинг болаларини сотиш учун овлайди. Натижада, тўдада эркак шимпанзелар сони кўпайиб, улар ўртасида рақобат юзага келди.
Фудуконинг ўлдиришида эркак ва урғочи шимпанзелар қатнашган, у ўлганидан кейин тўдадагилар унга тош улоқтириб, таёқ билан савалаб, қисмларга бўлиб, баъзи бўлакларини еб қўйган. Олимларнинг айтишича, ўзининг ягона иттифоқдошидан айрилган Мамаду лақабли шимпанзе ҳам тез орада тўдадан қувилган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)