7 февраль куни Қаршининг «Насаф» ва Тошкентнинг «Бунёдкор» клублари Осиё Чемпионлар лигаси гуруҳ босқичи масаласини ҳал қилиш учун плей-офф ўйинида майдонга тушади.
«Насаф» Саудия Арабистонида «Ал-Фотиҳ» клубига қарши кураш олиб борса, «Бунёдкор» Қатарда Сардор Рашидов тўп сурадиган «Ал-Жаиш» билан беллашади.
Осиё Чемпионлар лигаси регламентига кўра, плей-офф босқичи фақатгина 1 та беллашувдан иборат бўлади. Мусобақа давомида учрашувлар вақтини мезбон жамоа вакилларининг ўзи танлайди. Шундан келиб чиқиб, Саудия клуби «Насаф»га қарши ўйинни Тошкент вақти билан 20:00 га тайин қилди. «Ал-Жаиш» эса «қалдирғочлар» билан ўйинни 20:15 га белгилади.
ЎзМТРКнинг «Спорт» телеканали Осиё Чемпионлар лигасининг Ўзбекистон клублари иштирокидаги ўйинларни трансляция қилиб келади. Айни вақтда телеканал қайси ўйинни жонли ва қай бирини ёзиб олинган ҳолда кўрсатиш борасида бош қотирмоқда.
[playbuzz-item playbuzz_url="https://www.playbuzz.com/muhrima10/sport-telekanali-7-fevral-kuni-to-g-ridan-to-g-ri-efirda-qaysi-uchrashuvni-olib-ko-rsatishini"]
Изоҳ (0)