Конор Макгрегор ва Флойд Мейвезер ўртасидаги жанг суммаси миллиард долларга тенг бўлиши мумкин

UFC чемпиони Конор Макгрегор агентлари Флойд Мейвезер билан музокара олиб бораётганини тасдиқлади. Бу эса икки жангчи ўртасидаги тўқнашув муқаррар деган хулосага сабаб бўлди.

Невадада боксчилик лицензиясини қўлга киритишим ҳамоноқ Мейвезер билан келишиб оламан. Жанг шунчаки кўриб чиқилаётгани йўқ, унинг режаси анчадан буён ишлаб чиқилмоқда. Менинг кейинги жангим саккиз унсияли қўлқоп кийган ҳолда канатлар орасидан чиқишдан бошланади. Мен бунга ишонаман.

Конор Макгрегор, UFC чемпиони

Маълумки, ҳозирги кунга қадар Мэнни Пакьяо ва Флойд Мейвезер ўртасидаги жанг гонорари энг катта экани билан ажралиб турганди. Макгрегор орзиқиб кутилаётган жанг суммаси бундан икки марта кўпроқ бўлишига ишонади.

Мейвезер ва Пакьяо ярим миллиард ишлаб топган бўлса, менинг жангим бир миллиардлик тарихдаги илк жанг бўлади. Бу ишни бекорчиликдан қилаётганим ҳақида гап-сўзлар бўлса-да, менга фарқи йўқ. Ҳабиб, Тони, Жозе ёки Вудли билан UFC чемпионлиги учун жанг ўтказиш мен орзиқиб кутаётган нарсалар эмас.

Конор Макгрегор, UFC чемпиони