Эрон ташқи ишлар вазирлиги Теҳронда Вашингтон манфаатларини ифодалайдиган Швейцария элчиси Жулио Хаасни чақириб, АҚШ президенти Дональд Трампнинг эронлик фуқароларнинг мамлакатга киришига қўйилган чеклов ҳақидаги фармони муносабати билан норозилик билдирди. Бу ҳақда «Газета.ru» хабар берди.
Эрон ташқи ишлар вазирлиги вакили Баҳром Қосимий сўзларига кўра, элчига «АҚШ президентининг янги фармони ҳамда Америкага отланган Эрон фуқароларига нисбатан киритилаётган чекловлар ва камситувчи муомала муносабати билан норозилик мактуби берилди».
Элчи норозилик мактубини энг қисқа муддатларда АҚШ давлат департаментига топширишини маълум қилди.
Аввалроқ Эрон ташқи ишлар вазири Муҳаммад Жавод Зариф Америка иммиграция сиёсатини қатъийлаштиргани учун АҚШ президенти Дональд Трампни танқид остига олган эди.
Изоҳ (0)