Футбол бўйича Испания Ла лигасининг 20-турига келиб Каталониянинг «Барселона» клуби 2 очко бой берди. «Бетис» майдонига ташриф буюрган Луис Энрике шогирдлари 1:1 ҳисобига имзо чекди.
Томонлар биринчи давра «Камп Ноу» стадионида тўқнаш келган бўлиб, ўшанда «Барселона» 6:2 ҳисобида зафар қучганди. 20-турда қўлга киритилган 1 очко сабаб каталонияликлар «Севилья»га етиб олди. Бугун — 29 январь куни «Севилья» «Эспаньол» майдонида зафар қучиб, орадаги фарқни яна кўпайтириб қўйиш имкониятига эга.
«Барселона» ўз майдонида бўлиб ўтган «Эль-Класико»да «Реал» билан 1:1 ҳисобида дуранг ўйнагач, кейинроқ кетма-кет икки йирик ғалабага эришганди: «Осасуна» (3:0) ва «Эспаньол» (4:1). Шундан кейин каталониялик футболчилар «Вильярреал» билан 1:1 ҳисобида дуранг ўйнади ва кетидан яна иккита йирик ғалабани тантана қилди: «Лас-Пальмас» (5:0) ва «Эйбар» (4:0). Мана энди «Бетис»га қарши учрашув 1:1 ҳисобида ўз якунига етди.
«Барселона» мавсум давомида «Атлетико» ва «Реал Сосьедад» клублари билан ҳам 1:1 ҳисобида дуранг ўйнаган. «Малага» билан 0:0 ҳисобида голсиз дуранг қайд этган.
Қайд этиш керак, 20-турда етакчилардан яна бири — Мадриднинг «Атлетико» клуби ҳам 2 очко бой берганди.
Испания Ла лигаси 20-тур 29 январь, якшанба
«Бетис» — «Барселона» 1:1
Голлар: Алекс Алегрия, 75 (1:0). Луис Суарес, 90 (1:1).«Эспаньол» — «Севилья»«Атлетик» — «Спортинг»«Реал Мадрид» — «Реал Сосьедад»
30 январь, душанба«Лас-Пальмас» — «Валенсия»
Изоҳ (0)