2017 йилда Тошкент шаҳар жамоат транспортлари оралиқ бекатларига камида 100 та электрон табло ўрнатиш режалаштирилган, дея хабар бермоқда «Тошшаҳартрансхизмат» компанияси расмий сайти.
«Тошшаҳартрансхизмат» АЖ, Grand Technology System» МЧЖ ва «Қува» МЧЖ билан ҳамкорликда Тошкент шаҳридаги бир қанча оралиқ бекатларга автобусларнинг келиш вақти акс эттирилган мониторлар ўрнатилиб, синовдан ўтказилмоқда.
Бугунги кунда 20 дан ортиқ автобус оралиқ бекатларига электрон ахборот таблолари ўрнатилган. Электрон ахборот таблоси 24 соат ишлайди, аммо, автобусларнинг бекатларга жадвал бўйича келиши ҳақида соат 6.00 дан 23.00 гача маълумот тақдим этилиб туради.
Электрон ахборот таблосида автобусларнинг бекатга неча дақиқада келиши online режимида аниқ вақтда кўрсатилади.Шунингдек, таблодан қуйидаги маълумотларни олиш имкони бор:• автобус йўналиши рақами;• бекат номи;• ўтаётган йўналишли автобусларнинг неча дақиқада келиши;• валюта курси;• Тошкент шаҳридаги об-ҳаво.
Изоҳ (0)