Суд британиялик фуқарога бўйи бошқа ҳайдовчиларни чалғитгани туфайли автомобиль бошқаришни тақиқлади, деб The Telegraph нашри хабар берди.
Полиция Ньюкасл шаҳрида яшовчи 26 ёшли Адам Эллиотни Ford Ka кабриолетида кетаётган вақтида тўхтатди. Шамол қайтарувчи ойнанинг тепасидан чиқиб турган эркакнинг боши тартибни сақлаш ходимларининг эътиборини тортган. Улар Эллиот машинани турган ҳолда бошқаряпти, деб шубҳаланган.
Автомобиль савдоси билан шуғулланувчи Эллиотнинг бўйи 200 сантиметр бўлиб, ўз харидорига олиб кетаётган машина унинг бўй-бастига тўғри келмаган.
Полиция мен рулни турган ҳолда бошқарди деб баёнот берди, бироқ бундай бўлмаган. Шунчаки, менинг бўйим бу автомобиль учун баландлик қилди.Адам Эллиот
Суд мажлиси давомида Эллиот, адвокатнинг тавсиясига биноан, автомобилни хавфли равишда бошқарганини тан олди.
Шуниси аниқки, сиз томи йиғилган кичкина автомобилда ўз бўйингизни кўрсатиб мақтангансиз. Бу билан сиз бошқаларни чалғитгансиз, бу эса хавфли.Эллиотга автомобиль бошқариш камида 27 февраль, кейинги суд мажлисигача тақиқланган.Суд иши бўйича судья
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)