BMW Blog портали ихтиёрига янгиланган BMW М3’нинг илк расмий тасвирлари келиб тушди, деб ёзади Motor.
2017-модель йилига тегишли янгиланган седан ўзгартирилган оптика ва янги опционал ускуналарга эга бўлди. Тўрт эшикли автомобиль 2017 йил баҳорида сотувга чиқиши керак.
Янгиланган М3’нинг салони олд ўриндиқлардаги нур таратиб турувчи М-логотипи бироз ўзгаргани билан фарқланади. Аммо куч билан боғлиқ қурилмаларида ўзгаришлар юз бермади. М4 каби, М3 ҳам 431 от кучига тенг олти цилиндрли ва икки турбинали мотор билан жиҳозланади. Механик узатиш қутиси билан седан 100 км/соат тезликка 4,3 сонияда, «роботли» модификацияда эса — 4,1 сонияда эришади.
Қўшимча тўлов эвазига Competition Package тўпламини сотиб олиш мумкин. Унинг ёрдамида уч литрли «олтилик»нинг қуввати 19 от кучига кўпаяди, соатига 100 км тезлик олиш вақти эса 0,1 сонияга қисқаради.
Изоҳ (0)