Метро бекатлари ёнидаги охирги автобус бекатлари қайта тикланади

«Тошшаҳартрансхизмат» компанияси жорий йилда асосий метро бекатлари ёнидаги охирги автобус бекатларини қайта тиклашни режалаштирмоқда. Бу ҳақда компания раҳбарияти 26 январь куни пойтахт ҳокимиятида бўлиб ўтган матбуот-анжуманида маълум қилди, деб ёзади «Газета.uz».

Бундай бекатлар ер усти жамоат транспортининг шаҳар ва шаҳар ташқарисидаги йўналишларини оптималлаштириш бўйича чора-тадбирлар доирасида қурилади ва реконструкция қилинади.

«Тошшаҳартрансхизмат» маълумотларига кўра, бунда гап «Беруний», «Олмазор» (собиқ «Собир Раҳимов»), «Дўстлик» («Чкалов») ва «Шаҳристон» («Ҳабиб Абдуллаев») охирги метро бекатлари, шунингдек, «Чорсу» ва «Пахтакор» ҳақида бормоқда.