Тошкент шаҳри жамоатчилик транспортида 2017 йил охиригача қатнов учун электрон тўлов тизимини жорий этиш режалаштирилмоқда. Бу ҳақда пойтахт ҳокимиятида бўлиб ўтган матбуот анжуманида маълум қилинди, дея хабар беради UZ24.
«Тошшаҳартрансхизмат» АЖ раисининг ўринбосари Моҳир Валиевга кўра, ҳозирда Тошкентда йўловчи транспортини янада ривожлантириш бўйича чоралар ҳақида қарор лойиҳаси тайёрланмоқда. Унда метро ва автобусда қатнов учун тўловнинг автоматлаштирилган тизимини ишлаб чиқиш кўзда тутилган.
Бунинг учун ҳар бир автобусда валидаторлар ўрнатилади. Тўловни амалга ошириш учун йўловчи қатнов карточкалари сотиладиган пунктларда харид қилинадиган махсус пластик картани қурилмага қўяди.
Ҳайдовчилар зиммасидан ҳар кунлик тушумни топшириш мажбурияти олинади. Тизим жорий этилса, пул тушуми билан алоҳида бўлинма шуғулланади. Қатнов учун тўлов жараёнининг шаффофлиги ва мунтазамлиги таъминланади.Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.Моҳир Валиев, «Тошшаҳартрансхизмат» АЖ раисининг ўринбосари
Изоҳ (0)