Калифорния штатиннг Шимолий округ суди «дизель можароси»ни тартибга солиш ишлари доирасида немис автоконцерни Volkswagen билан Америка ҳукумати ва автомобиль эгалари ўртасидаги келишув битимини маъқуллади. Бу ҳақда «Корреспондент.net» хабар берди.
Судья Чарльз Брейернинг қарорида таъкидланишича, томонларннг келишуви «адолатли, чуқур ўйланган ва муносиб». Келишувга асосан, Volkswagen’нинг АҚШдаги 652 та автодилерига 1,2 миллиард доллар, ўрта ҳисобда ҳар бир дилерга 1,85 миллион доллар, миқдорида компенсация тўлаши назарда тутилган.
Қўшимча тўлов ва хизматларни ҳисобга олганда, немис концерни томонидан жабрланувчи томонга тўланиши керак бўлган умумий сумма 1,6 миллиард долларни ташкил қилади.
Аввалроқ Volkswagen’нинг АҚШ ҳукуматига «дизель можароси» туфайли умумий ҳисобда 4,3 миллиард доллар тўлаши маълум бўлган эди. Шунингдек, АҚШ ҳукумати Volkswagen’ни 2009 – 2015 йилларда мамлакат бозорига киритган қарийб ярим миллион автомобилни қайтариб олишга мажбур қилганди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)