Land Rover компанияси Range Rover йўлтанламасининг 1969 йилдан ҳозиргача бўлган ўзгаришларини кўрсатувчи видеони эълон қилди. Бир ярим дақиқали ушбу роликда барча тўрт авлод моделлари кўрсатилган, деб ёзади «Мотор».
Автомобиллар суратлари турли йилларда чиққан машиналарнинг ўзига хос хусусиятлари ҳақидаги изоҳлари билан бирга келади. Масалан, 60 йиллар охирида чиққан Range Rover’нинг дастлабки моделлари «ниқобланган» Velar бренди остида ишлаб чиқарилган. Шу аснода компания машиналарнинг сирлилигини сақлашга ҳаракат қилган. Диққатга сазовор жиҳат шундаки, бренди номи итальян тилида «ёпинчиқ» маъносини билдирадиган velare сўзига ҳамоҳангдир.
Бундан ташқари, видеода Range Rover’нинг биринчи авлодида беш эшикли кузов ва икки табақали юкхона эшигининг пайдо бўлиши, ABS (транспорт воситаларини тормозлаш вақтида ғилдиракларнинг блокировка бўлиб қолиши ва бошқарувни йўқотишнинг олдини олишга мўлжалланган электрон тизим)нинг киритилиши, шунингдек, йўлтанламас бугунги авлодининг алюминий кузови ҳақида эслатиб ўтилган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)