«60 сонияда ўғрилик» фильмининг фанати лего қисмларидан фильмда суратга тушган автомобилнинг кичрайтирилган нусхасини ясади, деб хабар берди «Мотор».
Бу машина 1967 йилда яратилган Shelby GT 500 Mustang бўлиб, фильмда у Элеонор деб аталган.
Модель ҳаваскор лойиҳаларга бағишланган Lego Ideas махсус порталига жойлаштирилган. Етарлича овоз йиғилган тақдирда (10 мингдан бошлаб) «Lego» моделни расман йиғишга рухсат беради. Модель дастлаб намойиш этилган пайтда уни икки мингга яқин киши маъқуллади, бироқ овоз бериш 200 кундан ортиқ давом этди.
Pix027 тахаллуси остидаги «Элеонор» муаллифининг таъкидлашича, машинани йиғиш учун бир неча ҳафта ва 900 та детал кетган. «Mustang»да эшиклар, капот ва юкхона очилади, шунингдек, ўриндиқлар ҳолати ўзгартирилади. Бундан ташқари, муаллиф V8 двигателидан нусха кўчиришга ҳаракат қилган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)