Мексика президенти Энрике Пенья Ньето 31 январь куни Вашингтонда ўтказилиши лозим бўлган АҚШ президенти Дональд Трамп билан учрашувини бекор қилди, дея хабар бермоқда Meduza.
«Келаси сешанбага режалаштирилган АҚШ президенти билан ишчи учрашувда мен бўлмаслигим ҳақида бугун тонгда Оқ уйга маълум қилдик», — деб ёзди Мексика президенти Twitter’даги саҳифасида.
Бундан бир неча соат аввалроқ Трамп Twitter’даги саҳифасида, агар Мексика «ўзи учун жуда зарур бўлган девор учун ҳақ тўлашни истамаса», учрашувни бекор қилган маъқуллиги ҳақида хабар ёзиб қолдирган эди.
Дональд Трамп 25 январь куни ноқонуний муҳожирликка қарши кураш доирасида Мексика билан чегарада девор қуриш тўғрисидаги фармонни имзолади. АҚШ президентининг қайд этишича, девор қурилиши у ёки бу шаклда Мексика томонидан молиялаштирилади. Мексика раҳбарияти эса бунинг ҳеч қанақасига имкони йўқлигини таъкидлаб келмоқда.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)