Дональд Трампнинг инаугурацияси бўлиб ўтганига ҳали бир ҳафта ҳам тўлгани йўқ, лекин 45-президент кетма-кет фармонларни — биринчи галда сайловолди ваъдалари ва ўзидан аввалги президент — Барак Обаманинг сиёсий мероси билан боғлиқ ҳужжатларни имзолашга улгурди. Meduza нашри Трамп 21 январдан бери қилишга улгурган ишларнинг энг асосийларини бир хатбошида санаб ўтди.
Соғлиқни сақлаш ислоҳоти (Obamacare)ни бекор қилиш ва Тинч океани ҳамкорлигидан чиқиш ҳақидаги фармонларни имзолади, абортларни тарғиб қилувчи хорижий ташкилотларни молиялаштиришга тақиқ жорий этди, Дакотада нефть қувурларини қуришга рухсат берди, федерал муассасаларга янги ходимларни ёллашни музлатиб қўйди, Мексика билан чегарада девор қуриш ҳақидаги қарорни имзолади; ОАВ имзога тайёрланаётган яна учта фармон ҳақида хабар берди, булар — БМТни молиялаштиришни қисқартириш, Сурия ва бошқа мамлакатлардан муҳожирлар оқимини чеклаш ва МРБнинг махфий қамоқхоналари дастурини қайта тиклаш ҳақидаги ҳужжатлардир (сўнгги фармон ҳақидаги хабарларни Оқ уй вакиллари рад этди).
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)