ОАВ: Трамп маъмурияти АҚШнинг халқаро ташкилотлардаги иштирокини кўриб чиқишни режалаштирмоқда

АҚШ президенти Дональд Трамп маъмурияти Қўшма Штатларнинг турли халқаро ташкилотлар, жумладан, БМТдаги иштирокини кўриб чиқишни режалаштирмоқда, деб хабар беради «Газета.ru».

The New York Times манбаларига кўра, тайёрланаётган фармонлардан бири Фаластин миллий маъмуриятига тўлақонли аъзо мақомини тақдим этган, Эрон ва КХДРга қарши санкцияларни четлаб ўтишга қаратилган ҳаракатлар, абортлар молиялаштирилишини қўллаб-қувватлаган исталган халқаро ташкилотга АҚШ томонидан маблағ ажратилишини тўхатишни кўзда тутади.

Шунингдек, ҳужжатда террорчилик ҳомийси бўлган давлатлар томонидан назорат қилинадиган ёки уларнинг таъсири остида бўлган, инсон ҳуқуқлари мунтазам равишда бузилишида айбланадиган ташкилотлар ҳақида ҳам сўз боради. 

Фармонда АҚШ томонидан халқаро ташкилотларга ажратиладиган маблағ камида 40 фоизга камайтирилиши белгиланган. 

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.