Жанубий кореяликларнинг деярли ярми, фавқулодда зарурат бўлган тақдирда, КХДРга олдиндан зарба берилишини ёқлайди. «Асан» сиёсий тадқиқотлар институти 26 январь, пайшанба куни эълон қилган ижтимоий ўрганишлар натижаси шундан далолат бермоқда, дея хабар беради «ТАСС».
«Респондентларнинг 43,2 фоизи ўта зарурат туғилган тақдирда Шимолга олдиндан зарба бериш ғоясини қувватлайди. Улар бу ҳаракатлар ҳатто тўлақонли урушга олиб келган тақдирда ҳам зарбаларни ёқлади. Сўров қатнашчиларини 50,1 фоизи бунга қарши чиқди», — дейилади ҳисоботда.
Тадқиқотчилар КХДРга қарши муросасиз чоралар тарафдорлари кўпайганини қайд этмоқда. 2013 йилда ўтказилган шундай сўров давомида зарбалар берилишини иштирокчиларнинг 36,3 фоизи маъқуллаган, 59,1 фоизи эса қарши бўлганди.
Жанубий Корея ўз атом бомбасига эга бўлишини респондентларнинг 60 фоизи ёқлади, 61 фоизи эса мамлакатда АҚШ ядро қуроли жойлаштирилишини маъқул топди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)