Donald Trampning inauguratsiyasi bo‘lib o‘tganiga hali bir hafta ham to‘lgani yo‘q, lekin 45-prezident ketma-ket farmonlarni — birinchi galda saylovoldi va’dalari va o‘zidan avvalgi prezident — Barak Obamaning siyosiy merosi bilan bog‘liq hujjatlarni imzolashga ulgurdi. Meduza nashri Tramp 21-yanvardan beri qilishga ulgurgan ishlarning eng asosiylarini bir xatboshida sanab o‘tdi.
Sog‘liqni saqlash islohoti (Obamacare)ni bekor qilish va Tinch okeani hamkorligidan chiqish haqidagi farmonlarni imzoladi, abortlarni targ‘ib qiluvchi xorijiy tashkilotlarni moliyalashtirishga taqiq joriy etdi, Dakotada neft quvurlarini qurishga ruxsat berdi, federal muassasalarga yangi xodimlarni yollashni muzlatib qo‘ydi, Meksika bilan chegarada devor qurish haqidagi qarorni imzoladi; OAV imzoga tayyorlanayotgan yana uchta farmon haqida xabar berdi, bular — BMTni moliyalashtirishni qisqartirish, Suriya va boshqa mamlakatlardan muhojirlar oqimini cheklash va MRBning maxfiy qamoqxonalari dasturini qayta tiklash haqidagi hujjatlardir (so‘nggi farmon haqidagi xabarlarni Oq uy vakillari rad etdi).
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)