Янги мавсумга тайёргарликни Шанхайда давом эттираётган «Шанхай СИПГ» маҳаллий «Цзиадзинг Боцзи» клубига қарши ўртоқлик ўйинида майдонга тушди. Бу ҳақда «Sports.uz» нашри хабар берди.
Беллашув Виллаш-Боаш бошчилик қилаётган клубнинг 10:0 ҳисобидаги ғалабаси билан якунланди. Голларнинг ўндан бирига Ўзбекистон миллий терма жамоаси сардори Одил Аҳмедов муаллифлик қилди. У гол ургунига қадар шанхайликлар 1:0 ҳисобида олдинда бораётганди.
Бразилиялик Халк учрашувда ўз ҳисобига 2 та гол ёзиб қўйган. Қолган легионер футболчилар қандай натижа қайд этганига ойдинлик киритилмаган.Маълумот учун, «Шанхай СИПГ» бунга қадар Қатар йиғинида иштирок этганди. Хитой Супер лигасида 2017 йилги мавсум 4 март куни старт олади.
Қайд этиш керак, Одил Аҳмедов жамоадошлари мавсумни расман 7 февраль куни Осиё чемпионлар лигаси доирасида бошлайди. Унинг рақиби 31 январь куни бўлиб ўтадиган ўтиш босқичи ўйинидан кейин аниқ бўлади.
Изоҳ (0)