Молдова етакчиси Игорь Додон НАТО раҳбарияти билан февраль бошида Брюсселда альянснинг Кишинёвдаги офиси очилиши атрофидаги вазиятни муҳокама қилмоқчи, у ўз мамлакатининг бетарафлигини ёқлаб чиқиши туфайли, тегишли декларацияни имзолаш керак деб ҳисоблайди. Бу ҳақда «Интерфакс» хабар берди.
Унинг сўзларига кўра, Брюсселга ташриф 6—7 февраль кунлари бўлиб ўтади. У «бетарафлик мақоми ҳақида самимий мунозара» ўтказиш учун НАТО раҳбариятидан учрашув ташкил қилишни сўраганини айтди.
«НАТО Молдованинг бетарафлигини тан олиши ҳақида декларация имзоласак, жуда соз бўларди. Бошқа томон билан ҳам имзолаш мумкин. Мен Россияга зид ҳолда Ғарбда ва Ғарбга зид ҳолда Россияда ўзимга дўст топишни истамайман. Биз бунга йўл қўймаслигимиз керак, биз Молдова ҳудудида ҳарбий базалар ва чет эл қўшинларига эга бўлишимиз керак эмас. Молдова Днестрбўйи низоси ҳал бўлгач, на НАТОнинг, на Россиянинг қўшинлари бўлмаган мамлакатга айланиши керак, деб ҳисоблайман. Ҳозир россиялик тинчликпарварлар бор, низо тартибга солингач, ҳеч кимнинг кераги бўлмайди. Молдоваликлар ким учундир тўп еми бўлишини истамайман», — деди Додон.
Изоҳ (0)