Покистон бир ой ичида иккинчи марта муваффақиятли ракета синовини ўтказди

Покистон ўзи ишлаб чиқарган, ядро ўқ-дориларини элтишга қодир «ер—ер» синфидаги Ababeel ракетасининг илк муваффақиятли синовларини ўтказди, деб ёзади «Корреспондент.net».

Ракетанинг максимал парвоз узунлиги 2,2 минг километрга тенг. Бу Исломобод ва Нью-Дели ўртасидаги масофадан уч карра каттароқ демакдир.

Нашр эслатишича, бу Покистон томонидан бир ой ичида ўтказилган иккинчи ракета синовидир. Аввалроқ Покистон биринчи марта сув ости кемасидан ядровий заряд ташишга қодир қанотли ракета учирган эди.