Бишкек остонасида қулаган самолётда техник носозликлар бўлмаган. Бу ҳақда Давлатлараро авиация қўмитаси (ДАҚ) комиссияси раиси Леонид Каширский маълум қилди, дея хабар бермоқда Knews.
Унинг сўзларига кўра, самолёт «қора қутилари»ни ўрганиш бўйича ишлар қарийб якунига етган.
«Самолётнинг қарийб барча вайрон бўлган элементлари муҳофаза остида. Иккита ‘қора қути’ Москвадаги марказий идорамизга юборилган. ‘Қора қутиларъдан барча маълумот олинди ва улар яхши ҳолатда», — деди Каширский.
Унинг қўшимча қилишича, ҳалокатга учраган самолётда ҳеч қандай техник носозлик бўлмаган.
«Айтишим мумкин бўлгани, самолётдаги юк Қирғизистон эмас, балки Туркия учун мўлжалланган бўлган. Мен юкни қабул қилувчиларнинг номини айта олмайман, улар аббревиатуралар билан шифрланган ва юк эгаларини аниқлаш ДАҚ ваколатига кирмайди», — дея қўшимча қилди у.
Маълумот учун, 16 январь, душанба куни тонгда Бишкекнинг «Манас» аэропортидан бир неча километр масофада жойлашган «Дача» қўрғонига Туркиянинг MyCargo Airlines авиакомпаниясига тегишли «Боинг 747» юк самолёти қулаган эди. Сўнгги маълумотларга кўра, авиаҳалокат қурбонлари сони 39 нафарга етган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)