АҚШ президенти Дональд Трамп ўз инаугурацияси бўлиб ўтган 20 январни Миллий ватанпарварлик куни деб эълон қилди. Бу ҳақда «РБК» хабар бермоқда.
Трамп бу ҳақдаги фармонни президентлик лавозимига киришганидан кейин, ваколатининг дастлабки кунларида имзолаган.
«Мен, АҚШ президенти Дональд Трамп, Қўшма Штатлар Конституцияси ва қонунлари билан менга тақдим этилган ҳокимиятдан фойдаланиб, мазкур фармон билан 2017 йилнинг 20 январини Миллий ватанпарварлик куни деб эълон қиламан», — дейилади ҳужжатда.
Аввалроқ Трамп инаугурацияси якунига етиши билан, оила аъзолари ва Республикачилар партияси етакчилари гувоҳлигида дастлабки учта фармонни имзолагани маълум бўлган эди. Булар — генерал Жеймс Метиссни мудофаа вазири этиб тайинлаш, Сенатга иккита номзод кўрсатиш ва Миллий ватанпарварлик куни ҳақидаги фармонлардир.
Имзоланган ҳужжатлар инаугурациядан кейинги дастлабки иш куни — 23 январда федерал ҳукуматга топширилган.
Инаугурациядан кейинги дастлабки кунларда Дональд Трамп соғлиқни сақлаш ислоҳоти тўғрисида ва АҚШнинг Тинч океани ҳамкорлиги — Осиё ва Тинч океани минтақасидаги 12 мамлакат ўртасидаги савдо битимидан чиқиши ҳақидаги фармонларни ҳам имзолади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)