Ҳайвонларга нисбатан шафқатсиз муносабатда бўлганлиги учун тошкентлик 49 ёшли фуқаро жаримага тортилди. Суд иши якунлари ҳақида «Меҳр ва Оқибат» жониворларни ҳимоя қилиш жамиятидаги манбага асосланиб, «Газета.uz» хабар берди.
Даъвогарлар Юнусобод тумани 4-даҳасида яшовчи аёллар бўлиб, улар бир нечта мушукларнинг йўқолганини пайқаган. Йўқолган мушукларнинг баъзилари майиб ёки ўлик ҳолда топилган. Аёллар мушукларни қийноққа солишда яқин орада яшовчи эркакдан шубҳаланган.
Ўтган йилнинг декабрь ойида даъвогарлар ҳайвонлар муҳофазачиси бўлган «Меҳр ва Оқибат» жамиятига айбдорни жавобгарликка тортишда ёрдам беришни сўраб мурожаат қилган. Жамият вакиллари ички ишлар органларига ариза ёзишда ёрдам берди ва суд мажлиси жараёнида даъвогарларга ҳуқуқий ёрдам кўрсатди.
Жиноят ишлари бўйича Юнусобод туман судининг қарорига асосан, жавобгар ҳақиқатан ҳам мушукларни қийноққа солган, натижада бу қийноқлар тўртта мушукнинг нобуд бўлиши ва битта мушукнинг майиб бўлишига сабаб бўлган. Тергов якунига кўра, Ўзбекистон Республикаси Маъмурий жавобгарлик тўғрисидаги Кодексининг 111-моддасига мувофиқ айблов ҳукми чиқарилди. Ҳайвонларга нисбатан шафқатсиз муносабатда бўлганлиги учун айбдорга нисбатан энг кам ойлик иш ҳақининг уч баравари – 449,3 минг сўм миқдорида жарима жазоси белгиланган.
Жарима миқдори, баъзи МДҲ давлатларидаги каби, бундан ҳам юқори бўлса, яхши бўларди. Биз шу йўналишда ишлаяпмиз ва ишонамизки, яқин вақтлар ичида ҳайвонлар муҳофазаси бўйича қонунчиликка ўзгартиришлар киритилади. Фуқароларни талабчанликка чақирамиз: қонун ишламоқда – сизнинг фуқаролик ташаббусингиз ва адолатга қонунга мувофиқ равишда эришиш хоҳишингиз муҳим аҳамиятга эга.Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.Камила Шоалимова, «Меҳр ва Оқибат» жамияти директори
Изоҳ (0)