«Янги овозлар» телетанлови Ўзбекистон Республикаси Маданият ва спорт ишлари вазирлиги ташаббуси асосида Ўзбекистон миллий телерадиокомпанияси, «Ўзбекнаво» эстрада бирлашмаси, «Ўзбеккино» миллий агентлиги, Алишер Навоий номли кино саройи ҳамда Ёшлар маданият ва санъат маркази давлат унитар корхонаси билан ҳамкорликда ташкил этилди.
Ўтган 2016 йилнинг ноябрь ойида дастлабки саралаш босқичларида, нуфузли экспертлар гуруҳи ёшларнинг ижодий ишларини кўриб чиқиб, 35 нафар иштирокчига навбатдаги босқичга йўлланма берган эди.
20 январь куни Муниса Ризаэва раҳбарлигидаги ижодий гуруҳ аъзоларидан иборат устоз-ҳакамлар Tri media студиясида ўзлари саралаб олган 12 нафар иштирокчи билан «Дуэт босқичи»га тайёргарлик ишларини бошлади. Бу ҳақда Ёшлар маданият ва санъат марказига таяниб, Маданият ва спорт ишлари вазирлиги матбуот хизмати хабар берди.
Мавзуга доир: «Янги овозлар». Муниса Ризаева лойиҳада ўзидан маҳоратлироқ ёшлар борлигига иқрор бўлди
Тайёргарлик жараёни иштирокчилар билан танишувдан бошланди ва уларнинг йўналиши бўйича дуэтдошлари аниқлаб олинди. Айни дамда иштирокчилар учун асарлар танланмоқда. Ҳакам устозлар 27 январь кунига қадар иккитадан иштирокчини тинглаб, улар билан янги қўшиқ устида иш олиб боради. Шунингдек, 30 январдан умумий машғулотлар тарзида тайёргарликни давом эттириш режалаштирилган.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)