Ўзбекистон халқ артисти Юлдуз Усмонова «Истиқлол» санъат саройида 13 кун давомида жонли ижродаги концерт дастурини тақдим этади. Бу ҳақда таниқли фотосуратчи Шуҳрат Усмонов Instagram’даги саҳифасида маълум қилди.
Хабар беришларича, «Эй азиз инсон» деб номланган концерт дастури 11 апрелдан 23 апрелга қадар давом этади.
Эълон қилинган суратларда 13 кунлик концерт жонли ижрода ўтказилиши қайд этилган. Чипталар қачондан сотувга чиқиши номаълум.
Маълумот учун, сўнгги йилларда айнан апрель ойида Ўзбекистон халқ артисти Озодбек Назарбековнинг «Истиқлол» санъат саройида 10 кундан ортиқ концерт бериши одат тусига кирган эди. Бироқ хонанда 2017 йилда концерт бермаслигини маълум қилди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)