Тошкент давлат аграр университетида Ўзбекистон Республикаси Олий Мажлиси Қонунчилик палатаси Аграр ва сув хўжалиги масалалари қўмитаси ва Ўзбекистон Фермерлари кенгаши ҳамкорлигида қишлоқ хўжалиги соҳасига замонавий суғориш технологияларини кенг татбиқ этиш, экин майдонларини томчилаб суғориш масалаларига бағишланган давра суҳбати бўлиб ўтди. Бу ҳақда ЎзА хабар бермоқда.
Давра суҳбатида ўтган йиллар давомида мамлакат бўйича 18,5 минг гектар майдонга томчилаб, 18,4 минг гектар ерга эгилувчан қувурлар ёрдамида, 16,3 минг гектар майдонда эгатларга плёнка тўшаб суғориш усуллари жорий этилиб, улардан самарали фойдаланиб келинаётгани қайд этилди.
— Тадбирда Ўзбекистон Республикаси Фанлар академияси академиклари, соҳанинг етакчи олимлари ҳамда ёш тадқиқотчилар томонидан мазкур соҳадаги долзарб масалалар муҳокама этилди, — дейди Олий Мажлис Қонунчилик палатаси Аграр ва сув хўжалиги масалалари қўмитаси аъзоси Исмоил Зокиров. — Томчилаб суғориш тизимини жорий этган фермер хўжаликлари ҳамда сувни тежовчи замонавий технологияларни ишлаб чиқарувчи тадбиркорлик субъектларига кенг имкониятлар яратиб бериш, асосий аҳоли истиқомат қиладиган ҳудудлар атрофида мева-сабзавот ва полиз экинлари етиштирадиган майдонларда сувни тежовчи технологиялар янада кенг жорий этилишини жадаллаштириш масалалари илгари сурилди. Замонавий тежамкор технологияларни тайёрлаётган олимлар ва тадқиқотчиларнинг ишларини амалиётга кенг жорий этиш борасида фикр-мулоҳазалар билдирилди.
Давра суҳбатида аграр соҳада малакали кадрлар тайёрлаш борасида ҳам бир қатор долзарб вазифалар белгилаб олинди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)