Жанубий Кореянинг мухолифатдаги сиёсатчилари прокуратуранинг Samsung компанияси вице-президенти ва амалдаги раҳбари Ли Чжэ Ённи ҳибсга олишга ордер бериш сўровини рад қилган Сеул суди қарорини танқид остига олди. Терговчилар уни пора бериш, компания маблағини ўмариш ва ёлғон гувоҳликда гумон қилмоқда, бироқ суд тақдим этилган далилларни етарли эмас деб ҳисоблади, дея хабар бермоқда «ТАСС».
«Суд қарори афсусланишга арзийди. Ли Чжэ Ённи ҳибсга олишга ордер беришдан бош тортиш коррупция бўйича текширувнинг боришига халақит бериши мумкин», — дея таъкидлади мамлакат президентлигига номзодлар орасида энг машҳури бўлган Мун Чжэ Ин.
Сеул мэри Пак Вон Сун ҳам мазкур қарорни қабул қилолмаслигини билдирди.
«Йирик корпорация раҳбарининг ҳибсга олинишининг миллий иқтисодиётга таъсирини ҳам ҳисобга олиш керак, албатта. Бироқ адолатнинг қарор топиши бундан муҳимроқ. Прокуратурага Ли Чжэ Ённи ҳибсга олиш масаласида судга яна бир сўров юборишни маслаҳат берган бўлардим», — дея фикр билдирди мансабдор.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)