Процессор ишлаб чиқарувчи энг йирик компаниялардан бири Qualcomm Apple’ни компанияга тегишли патентлар учун лицензия бўйича ушланмаларни камайтириш эвазига ўз маҳсулотларини сотиб олишга мажбур қилган, деб ёзади «Вести Hi-tech».
Чипмейкерни ноҳалол рақобатчиликда айблаб, унга қарши судга даъво берган АҚШ Федерал савдо комиссияси (FTC) шундай хулосага келди.
FTC’дагилар Qualcomm ярим ўтказгичлар бозоридаги монопол ўрнини суиистеъмол қилиб, Apple’ни ўз чипларидан фойдаланишга мажбур қилган, деб ҳисоблайди. Назоратчилар аниқлашича, Qualcomm модемлари iPhone’га 2011—2016 йилларда эксклюзив шартлар асосида ўрнатилган. Бундан ташқари, 2007 йилда компания, гўёки, Apple iPhone’ни чиқаришдан бош торца, у тўлаган роялти (лицензия тўлови)нинг ўрнини қисман тўлдиришга рози бўлган.
4G-тармоқлар учун WiMax стандарти ўн йил аввал жуда истиқболли ҳисобланган. Уни Qualcomm’нинг рақиби — Intel қўллаб-қувватлаган. Назоратчи чипмейкер Apple’ни ўз томонига оғдириб олган, у эса iPhone’га LTE пайдо бўлгунича янада тезкорроқ тармоқни қўлловчи стандартни ўрнатмасликка қарор қилган, деган хулосага келди.
Аммо Qualcomm ҳуқуқшунослари FTC’нинг ушбу айбловларини ёлғон деб атади, Apple вакили Жош Розенсток эса изоҳ беришдан бош тортди.
Изоҳ (0)