Халқаро космик станциядаги робот «табассум қилди» (фото)

Халқаро космик станция (ХКС)да лақаби Декстр бўлган икки «қўлли» робот бор, деб ёзади Meduza. У масофадан бошқарилади ва экипаж аъзоларининг ишини енгиллаштириш мақсадида борт ташқарисидаги ҳаракатларни амалга оширади.

Декстрнинг уч ярим метрли иккита кўчма «қўли» бор. Робот бу «қўллари» ёрдамида  ¯\_(ツ)_/¯ кўринишидаги смайлни ҳосил қилиши мумкин.

Фотосуратни ХКСдаги оператиялар бўйича мутахассис Алекс Апян эълон қилган. Фотосурат станциядаги никель-водородли аккумуляторларни литий-ионлиларига алмаштиришга тайёргарлик кўриш жараёнида олинган.

Афтидан, ¯\_(ツ)_/¯ тасодифий эмас, балки Декстр «қўллари»нинг стандарт ҳолатларидан биридир. Бу ишорани нафақат январдаги, балки ундан аввалги операцияларда ҳам учратиш мумкин.

#Dextre ends 2016 with marathon battery replacement operation: https://t.co/aL6q3eZvgP. #NoRestForRobots #ISS pic.twitter.com/ymd1SDCBcg

— Canadian Space Agency (@csa_asc) December 31, 2016

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.