Mac App Store кешини тозалаб, дастурларни юклашдаги муаммоларни ҳал қиламиз

Баъзан macOS учун дастурлар дўкони ишида носозликлар юзага келади, натижада янги дастурларни юклаб олиш ёки мавжудларини янгилаш амалга ошмай қолади. «Лайфхакер» нашри ёзишича, одатда бу кешдаги хатоликлар билан боғлиқ, бунда тизим юклаб олишни тўхтаган жойидан давом эттиришга ҳаракат қилади ва буни бажара олмайди. Муаммони Mac App Store’ни қўлда тозалаш орқали ҳал этиш мумкин.

Ишга киришишдан аввал, албатта Time Machine’нинг захира нусхасини яратиб қўйинг. Ҳар эҳтимолга қарши.

Дастлаб, Mac App Store’ни меню орқали ёки Command + Q тугмалари ёрдамида тўлиқ тўхтатинг.

Бизга зарур бўлган, кешдан иборат пaпка тизим қаърига яширинган. Унга «Терминал» буйруғи ёрдамида етиб бориш мумкин:

open $TMPDIR../C/com.apple.appstore/

Унинг ичидаги барча элементларни иш столига олиб ўтиш ва Mac App Store’ни қайтадан ишга тушириш керак бўлади.

Агар қайта ишга тушганидан кейин ҳаммаси жойида бўлса, com.apple.appstore пaпкасидаги иш столида сақлаб қўйилган файлларни ўчириш мумкин.

Бундай ҳийла дастурларни юклаб олиш ва янгилашдаги хатоликларни тўғрилайди, ва Mac App Store яна яхши ишлай бошлайди.