O‘zbekiston Bosh vaziri o‘rinbosari Adham Ikromov 18-yanvar kuni Qirg‘iziston prezidenti Almazbek Atambayev bilan muzokaralar o‘tkazdi, deb yozadi UzDaily.
Uchrashuv chog‘ida Qirg‘iziston prezidenti Qirg‘iziston va O‘zbekiston hukumat delegatsiyalari tomonidan qirg‘iz-o‘zbek chegarasini delimitatsiya va demarkatsiya qilish masalalarida tomonlarni kelishtirish bo‘yicha olib borilayotgan birgalikdagi ishlar haqida xabardor qilindi.
Tomonlar, shuningdek, ikki tomonlama aloqalarning eng ustuvor sohalaridagi O‘zbekiston-Qirg‘iziston hamkorligining dolzarb masalalarini muhokama qildi.
Almazbek Atambayev Qirg‘iziston va O‘zbekiston o‘rtasidagi do‘stlik va ahil qo‘shnichilik munosabatlarini mustahkamlash bo‘yicha choralarni ikki tomonlama qo‘llab-quvvatlashdagi ijobiy dinamikani mamnuniyat bilan qayd etdi.
Izoh (0)