Россия Ўзбекистон билан муносабатлар чуқурлашишига умид қилмоқда. Бу ҳақда Россия ташқи ишлар вазири Сергей Лавров Москвадаги матбуот анжуманида маълум қилди, деб ёзади UzDaily.
«Россия ва Ўзбекистон алоқаларига келсак, Ўзбекистон бир неча йиллар олдин Коллектив хавфсизлик тўғрисидаги шартнома ташкилоти таркибидан чиққанига қарамай, улар аввалдан стратегик шериклик ва иттифоқдошлик ҳисобланади», — деди Россия ТИВ раҳбари.
«Бизнинг икки томонлама иттифоқдошлик алоқаларимиз халқаро ҳуқуқий планда мустаҳкамланган. Биз Ўзбекистоннинг янги президенти ва раҳбарияти алоқаларни давом эттиришни таъминлашни ўз олдига мақсад қилган, деб ҳисоблаймиз. Биз буни маъқуллаймиз», — дея қўшиб қўйди Лавров.
«Шунингдек, Ўзбекистоннинг Россия ва бошқа қўшнилари билан алоқаларини чуқурлаштириш учун қўшимча имкониятлар, шу жумладан, кўп томонлама тузилмалар бизнинг давлатларимиз халқлари манфаатлари йўлида ишга солинади, деб умид қиламиз», — деди Сергей Лавров.
Изоҳ (0)