Ўзбекистон Республикаси ташқи ишлар вазири Абдулазиз Камилов Қирғизистон Республикасининг Тошкент шаҳридаги элчихонасига ташриф буюрди. Бу ҳақда вазирлик матбуот хизмати хабар бермоқда.
ТИВ раҳбари 2017 йил 16 январда Қирғизистонда кўплаб инсонлар, жумладан, болалар қурбон бўлишига олиб келган Boeing-747 юк самолёти ҳалокатга учраши муносабати билан таъзия билдирди ва Ҳамдардлик китобига қайд киритди.
Муваққат ишлар вакили Азамат Мамбеков Қирғизистон раҳбарияти ва халқи номидан Ўзбекистон томонига ҳамдардлик ва далда учун миннатдорлик билдирди.
Эслатиб ўтамиз, олдинроқ Ўзбекистон Республикаси Президенти Шавкат Мирзиёев Қирғизистон президенти Алмазбек Атамбаевга мазкур фожиа муносабати билан ҳамдардлик билдирганди.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.
Изоҳ (0)