Шахматни ёритувчи нашрлардан бири Miss Chess CIS танловини ўтказиб, сайт ўқувчилари ўртасида МДҲнинг энг гўзал шахматчисини аниқлашга қарор қилди.
Унда Қозоғистон ва Қирғизистондан икки нафардан, шунингдек, Ўзбекистон, Украина, Озарбайжон, Россия каби мамлакатлардан бир нафардан гроссмейстерлар энг гўзал бўлиш учун кураш олиб борди. Сўровнома якунига кўра, қирғизистонлик Александра Самаганова 2-ўринни эгаллади, унинг ҳамюрти Айжан Алимбай қизига эса 3-ўрин насиб қилди, деб ёзди «Оламспорт».
Танловда энг кўп овозни ўзбекистонликлик Гулруҳбегим Тоҳиржонова тўплади ва МДҲнинг энг гўзал шахматчиси сифатида тан олинди. Қайд этиш керак, Тоҳиржонова бир йил муқаддам халқаро гроссмейстерга айланганди. У ўзбекистонлик биринчи аёл гроссмейстер Нафиса Мўминованинг синглиси ҳисобланади.
Изоҳ (0)