Қирғизистонда Бишкек яқинидаги авиаҳалокат қурбонлари хотирасига мотам эълон қилинди. Бу ҳақда «ТАСС» хабар бермоқда.
ACT Airlines компаниясининг Boeing 747-400 юк самолёти пойтахтдаги «Манас» аэропорти яқинида қулади.
Гонконг–Бишкек–Истанбул йўналишида парвоз қилаётган лайнер қўниш тасмасидан ўтиб кетиб, аэропортдан 2 километр наридаги қишлоқ устига қулади. Бунинг оқибатида у ердаги дала ҳовлиларнинг ярми бутунлай вайрон бўлди.
Охирги маълумотларга қараганда, қурбонлар сони 35 кишига етди.
Изоҳ (0)