Американинг автомобилсозлик соҳасидаги етакчи компанияси General Motors АҚШнинг сайланган президенти Дональд Трампнинг ўз заводларини АҚШдан ташқарида қураётган компанияларга қаратилган танқидларига қарамай, корхоналарни чет элга жойлаштириш режаларини қайта кўриб чиқмайди. Бу ҳақда корпорация бош директори Мэри Барра маълум қилди, деб ёзади «ТАСС».
«Автомобиль бизнеси корхоналарни жойлаштириш учун жой танлашда узоқ муддатли режалаштиришни талаб этади, қарорлар икки ёки тўрт йил учун олдиндан қабул қилинади», — деди у.
Бундан ташқари, унинг таъкидлашича, GM Chevrolet Cruze хэтчбекларининг бир қисминигина Мексикада чиқармоқда, ушбу моделдаги седанларнинг барчаси Американинг Лордстаун шаҳрида жойлашган фабрика конвейерларидан чиқмоқда.
Барра, шунингдек, Трампнинг Мексикада тайёрланган General Motors автомобилларини АҚШга олиб кириш учун тарифлар киритиш ҳақидаги таклифини изоҳлашга ҳали жуда эрта эканлигини маълум қилди.
Ўз сайловолди кампанияси чоғида Трамп доимо баъзи йирик корпорациялар солиқ юкини камайтириш ва ишлаб чиқариш харажатларини қисқартириш мақсадида, америкаликларни иш ўринларидан маҳрум этган ҳолда, ишлаб чиқаришнинг бир қисмини чет элга кўчиришига эътибор қаратарди.
Изоҳ (0)