Бугунги кунда Ucell компанияси ўз абонентларига 165 мамлакатда роуминг хизматларини кўрсатади. Роумингдаги овоз ва интернет трафигининг 81 фоизи 4 давлатга тўгри келади. Бу ҳақда Ucell компаниясининг пресс-офиси хабар беради.
Роуминг хизматларини ривожлантириш борасида Ucell учун Россия Федерацияси, Қозоғистон, Туркия, Хитой, Озарбайжон, Германия ҳамда Саудия Арабстони каби давлатлар устувор йўналишдир. Айнан ана шу мамлакатларга роуминг ҳажмининг 85 фоиздан ортиғи тўғри келади. 1998 йилдан бошлаб дунёнинг 165 мамлакатларида фаолият юритаётган 350 дан зиёд компаниялар билан роуминг шартномалари тузилган.
Роуминг қамровини кенгайтириш, унинг йўналишлари ва нархларини қайта кўриб чиқиш масаласида Ucell доимий равишда режалар дастурларини ишлаб чиқади.
Бизнес ечимларини ривожлантириш бўйича департамент директори Алишер Ҳамидов шундай дейди:
Ucell компаниясининг роуминг-фалсафаси узоқ мудатли ва ўзаро манфаатли муносабатларни йўлга қўйиш тамойилларига асосланган. Устувор мақсади эса, албатта алоқанинг ҳамиша ва барча ҳудудларда барқарор ва юқори сифатини таъминлашдир. Шуниндек, диққат марказида роуминг-ҳамкорлар тармоғидаги хизматларни автоматик тарзда текширув тизими ва 7/24 тарзда кўрсатилаётган алоқа сифатини назорат қилиш. Биз доимо юқори сифатни таъминлаб берадиган роуминг ҳамкорлар билан ўзаро ишлаймиз. Бунинг учун сервис провайдерлар билан шартномалар тузилган ва кафолатланган сифат алоҳида кўрсатилган. Бундан ташқари, роумерлар учун хизматларни кўпайтириш, оддий ва тушунарли тарифларни жорий қилиш бўйича ҳам доимий иш олиб борамиз. Мисоллардан бири – роумингдаги М2М таклиф. Ушбу хизмат транспорт воситаларини хорижда мониторинг қилиш имкониятини беради.Чет элдаги роуминг ҳамкорлар билан алоқанинг сифат даражасини назорат қилиш мақсадида Ucell Keynote SIGOS тизими орқали доимий тестлар ўтказади. Ушбу тизим роуминг шериклар тармоқларида барча зарур ишларни олиб бориш имкониятини беради ва ўз вақтида муаммоларни ҳамкор компания билан бартараф этиш қулай.
2016 йилда абонентларга қулайликлар яратиш учун роуминг қамровини кенгайтиришни давом эттирди. Масалан, янги йўналиш Малайзияда (Digi) ва Эронда (RighTel) ташкил қилинди. Шунингдек, корпоратив мижозлар учун интернет хизмати Германия (Telefonica), Ҳиндистон (Vodafone), Малайзия (Digi) ва бошқа мамлакатларда йўлга қўйилди. Prepaid тизими абонентлари учун асосий манзиллар Австрия (Hutchison), Япония (NTT Docomo), Ирландия (Meteor) ва Сингапур (StarHub) бўлди. Бундан ташқари, Prepaid тизими мижозларига роумингдаги Интернет хизматидан эндиликда Францияда (SFR), Корея Республикасида (КТ), Малайзияда (Maxis), Испанияда (Orange) фойдаланишлари мумкин.
Реклама ҳуқуқи асосида
Изоҳ (0)