Тошкент шаҳар ҳокими Раҳмонбек Усмонов 11 январь куни Қирғизистоннинг Ўзбекистондаги элчиси Дониёр Сиддиқов билан учрашув ўтказди, деб ёзади «Газета.uz» Қирғизистон элчихонаси сайтига таяниб.
Томонлар пойтахтларнинг савдо-иқтисодий ва маданий гуманитар соҳалардаги ҳамкорлиги масалаларини муҳокама қилди.
Хусусан, қўшма корхоналар ташкил қилиш, турли соҳаларда, жумладан, уй-жой ва коммунал ҳамда транспорт соҳаларида тажриба алмашиш билан боғлиқ бизнес-форумлар ва давра суҳбатлари ўтказиш имконияти кўриб чиқилди.
Бундан ташқари, яқин келажакда икки давлат пойтахтлари маданият кунларини ўтказиш муҳокама этилди.
Изоҳ (0)