Корея Республикаси Япониянинг Сеулдаги элчини чақириб олиш қарорини ўта ачинарли деб ҳисоблайди. Бу ҳақда Жанубий Корея ташқи сиёсий идораси баёнотига таяниб, «ТАСС» хабар берди. Ушбу қарор Пусандаги Япония бош консулхонаси қаршисига ХХ асрнинг биринчи ярмида мамлакатнинг Япония томонидан истило қилиниши чоғида жинсий зўравонлик қурбонлари бўлган аёллар шарафига ўрнатилган ёдгорликка жавоб чораси сифатида қабул қилинган эди.
«Япония ҳукумати кўрган чоралар ўта ачинарли. Шу билан бирга, мураккаб муаммолар борлигига қарамай, биз ўзаро ишончга асосланган икки томонлама алоқаларни ривожлантиришнинг муҳимлигини таъкидламоқчимиз», — дейилади ТИВ баёнотида.
Аввалроқ Япония Жанубий Кореядаги элчиси Ясумасу Нагаминэни ҳамда Пусандаги бош консул Ясухиро Моримотони чақириб олиш ҳақида қарор қабул қилган эди.
2015 йил декабрида Япония ва Корея Республикаси Иккинчи жаҳон уруши давридаги жинсий қуллик муаммолари борасида келишувга эришган эди, 2016 йил августида ушбу келишув доирасида Токио 1 миллиард иена маблағ ажратди.
Изоҳ (0)