АҚШ президенти лавозимини тарк этаётган Барак Обама келаси ҳафта Иллинойс штатининг Чикаго шаҳрида туриб, халққа хайрлашув мурожаати билан чиқиши мумкин, деб ёзади «ТАСС» Обаманинг қисқа ёзма баёнотига таяниб.
«10 январь, сешанба куни мен сизлар билан миннатдорлик ила хайрлашиш учун Чикагодаги уйимга йўл оламан», — дейилади ҳужжатда. Американинг амалдаги етакчиси сўзларига кўра, у ўз ҳамюртларига ўзига билдирилган катта ишонч учун миннатдорлик билдириш, мамлакат сўнгги саккиз йил ичида эришган яхши ўзгаришларга уларнинг диққатини қаратиш, бундан кейин қайси томонга ҳаракатланиш борасидаги фикрларини билдириш имконияти ҳисобланган нутқни ёзишни энди бошламоқда.
Обама нуқтаи назарига кўра, у Америка маъмуриятини бошқарган даврда АҚШ «кучлироқ» давлатга айланган.
Обаманинг эслатишича, «ҳокимиятни тинч, демократик йўл билан топшириш» ва «Америка халқига хайрлашув нутқи билан мурожаат қилиш» анъанасини 1796 йилда мамлакатнинг биринчи президенти Жорж Вашингтон яратган. «Кейинги 220 йил давомида кўплаб Америка президентлари бундай нутқ билан чиқиш қилган», — деди Обама.
Изоҳ (0)